CS एक्झिक्युटिव्ह प्रवेश परीक्षेची मार्गदर्शक तत्वे जाहीर

एज्युवार्ता न्यूज नेटवर्क 

कंपनी सेक्रेटरी (Company Secretary) CS एक्झिक्युटिव्ह प्रवेश परीक्षा (Executive Entrance Test) 09 नोव्हेंबर 2024 रोजी निश्चित करण्यात आली असून  इन्स्टिट्यूट ऑफ कंपनी सेक्रेटरीज ऑफ इंडियाने (Institute of Company Secretaries of India) ICSI नियोजित परीक्षेसाठी मार्गदर्शक तत्त्वे प्रसिद्ध केली आहेत. (Guidelines have been issued) ही परीक्षा ऑनलाइन पद्धतीने घेण्यात येणार असून त्या अनुषंगाने उमेदवारांना सूचना देण्यात आल्या आहेत.  

मार्गदर्शक तत्त्वांनुसार, उमेदवारांना परीक्षा वगळण्याची किंवा परीक्षेदरम्यान ब्रेक घेण्याची परवानगी दिली जाणार नाही. तसेच उमेदवारांना मोबाईल फोन, टॅबलेट इत्यादी वापरून परीक्षेला बसू दिले जाणार नाही. परीक्षा आयोजित करण्यासंदर्भातील कोणत्याही सूचनांचे उल्लंघन करणाऱ्या उमेदवारांचा निकाल रोखला किंवा रद्द केला जाईल.

अर्जदारांनी त्यांच्या लॅपटॉप किंवा डेस्कटॉपवर सुरक्षित परीक्षा ब्राउझर SEBLite डाउनलोड करणे आवश्यक आहे. CSEET परीक्षा सबमिट होईपर्यंत ते अनइन्स्टॉल केले जाऊ नये. उमेदवारांनी हे लक्षात घ्यावे की ते सुरक्षित परीक्षा ब्राउझर डाउनलोड करण्यात कोणत्याही कारणास्तव अयशस्वी झाल्यास, ते चाचणी सुरू करू शकणार नाहीत आणि या संदर्भात कोणतेही प्रश्न विचारात घेतले जाणार नाहीत, असा इशारा इन्स्टिट्यूट कडून देण्यात आला आहे. 

कंपनी सेक्रेटरी एक्झिक्युटिव्ह एंट्रन्स टेस्ट (CSEET) प्रवेशपत्र, वैध फोटो आयडी (पासपोर्ट, ड्रायव्हिंग लायसन्स, पॅन कार्ड, UID आधार कार्ड, मतदार कार्ड), उमेदवारांना परीक्षेत त्यांची उपस्थिती सुनिश्चित करण्यासाठी यापैकी कोणतीही कागदपत्रे सादर करावी लागतील. कागदपत्रे न दाखवल्यास त्यांना परीक्षेला बसू दिले जाणार नाही. त्यामुळे उमेदवारांनी याची पूर्ण काळजी घ्यावी, अशा सूचना देखील देण्यात आल्या आहे.